Xuquuq la wada leeyahay
Iswiidhan waxa ka jira wax lagu magacaabo xuquuq la wada leeyahay (allemansrätt). Wuxu dadkoo dhan xaq u siinayaa inay si xor ah ugu tamashleeyaan dabiicadda, xiitaa dhul dadka kale leeyihiin. Isla markaa xuquuqda la wada leeyahay macneheedu wxa weeye in taxadar iyo ixtiraam loo muujiyo dabiicadda. Xuquuqda la wada leeyahay waxay ku qorantahahy mid ka mid ah afarta aasaas-sharciyeed ee Iswiidhan, waxanay go´aaminayaan waxa laguu ogolyahay iyo waxa aan laguu ogolayn.
Nolosha ururada
Iswiidhan waxa ka jira xorriyadda ururada. Waa qayb muhiim ah oo ka mid ah bulshada dimuqoraaddiga ah. Xorriyadda ururada macneheedu waxa weeye xaq u lahaanshaha in urur la dhisto. Koox dad ah oo wax wada xiiseeya ama meel ka soo wada jeeda waxay wada dhisan karaan urur. Waxa jira ururo fara badan, sida ururada isboortiga, ururada dhaqanka iyo muusigga, iyo ururada diiniga ah.
Dad badan oo Iswiidhan ayaa ururo ku jira. Dad fara badan oo Iswiidhish ah ayaa ururo badan ku jira.
Carruurta iyo dhalinyarada
Degmooyinka waxa ka jira caadi ahaan goobo wakhtiga firaaqada ay ku baashaalaan dhalinyarada iskuulladu. Goobta wakhtiga firaaqada waxay dhalinyaradu kula kulmi karaa asxaab. Waxa kale oo la abaabulaa koorsooyin ay ku baran karaan ciyaarta muusigga, tiyaatarka ama in ay qoob ka cayaarka bartaan. La xiriir degmadaada si aad u ogaato waxa jira ama ka sii akhri boggooda internetka.
Ururada isboortigu muhiim ayey u yihiin carruur iyo dhalinyaro badan. Degmadu waxay badiyaaba hayaan liiska ururada ka jira degmada.