Svartjobb (ዘይሕጋዊ (ጸሊም) ስራሕ)

​ዘይሕጋዊ ብጸሊም ምስራሕ ማለት፤ ንስኻ ይኹን ወሃብ-ስራሕካ ግብሪ ኣይትኸፍሉን ዘለኹም ማለት እዩ። ሓደ ወሃብ ስራሕ ዘይሕጋዊ-ስራሕ ዘስርሓካ፤ ብፍጹም ንዓኻ ብምሕላይ ዘይኮነስ፤ ንርእሱ እቲ ዝበዝሐ ክኸስብ፤ ስለ ዝደለየ ምዃኑ ኣስተውዕል። ዘይሕጋዊ ብጸሊም ምስ ትሰርሕ፤ እቲ ወሃብ-ስራሕካ ነቲ ንዓኻ ክኽፈል ዝነበሮ፤ ንኣብነት ናይ ጥሮታን ናይ ሕማም ውሕስነታትን ገንዘብ፤ ኣብ ገዛእ ጁቡኡ እዩ ዘእትዎ ዘሎ። ብጸሊም ምስራሕ ዘይሕጋዊ እዩ። እቲ ዝኸፍአ ድማ፤ ንዓኻ ንዓቢ ሓደጋ ኣሕሊፉ ይህበካ ኣሎ። ኣብ ቦታ ስራሕካ ሀደጋ ምስ ዘጋጥመካ፤ ብዘይ ገለ ሓለዋ ኢኻ ዘሎኻ፤ ምኽንያቱ ወሃብ ስራሕካ፤ ንዓኻ ዝኣተወልካ ውሕስነት ስለ ዘየልቦ። ኣብቲ ምንዋሕ ግዜ ድማ፤ ብ”ጸሊም” ምስራሕ፤ ንኹሉ ነቲ ሕብረተሰብ እዩ ዚጸልዎ። ምኽንያቱ ድማ፤ እቶም ብጸሊም ዚሰርሑ፤ ኣብቲ ንክንክን-ሕማምን ንቤትትምህርቲን ንኻልእን እንጥቀመሉ ኣታዊ ግብሪ፤ ኢዶም ኣይሕውሱን ዘለዉ። እቲ መሰረታዊ ክዝከር ዝግብኦ ጉዳይ፤ ሓደ ጥዑይ ወሃብ ስራሕ፤ ከምኡ ከም ዘይገብር እዩ!   
 
ክትዝክሮ ዘድሊ:
•    ብዘይሕጊ ብጸሊም እናሰራሕካ፤ ሓደጋ ምስ ትረክብ፤ ገለ ውሕስነታት ከም ዘይብልካ።
•    እንተ ሓመምካ ናይ ሕማም ደሞዝ ከም ዘትረክብ።
•    ን”ጸሊም” ስራሕ ኣብ ካልእ ናይ መጻኣኢ ናይ ስራሕ ምድላይ ግዜ፤ ከም ተሞኵሮ ስራሕ ጌርካ ክተቕርቦ ከም ዘይትኽእል።
•    ገንዘብ ንምልቃሕ ክትጻገም ከም ትኽእል፤ ንኣብነት ኣብ ምግዛእ ገዛ ወይ ማኪና። ምኽንያቱ እቶታት ከም ዘሎካ ክተርኢ ስለ ዘይትኽእል።
•    ብ”ጸሊም” ስራሕ ዘእተኻዮ ገንዘብ፤ ናይ ጥሮታ ዘይብሉ ምዃኑ።
•    ዘይሕጋዊ ድማ እዩ።

ናብ ገጽ ኣገደስቲ ቃላት ኪድ

ኣብቲ informationsverige.se ኩኪስ ኢና እንጥቀም፡ ንሱ ድማ ንኣኻ ዝበለጸ ናይ ምጥቃም ተመክሮ ይህበካ። ኣብቲ ኢንተርነት ቀጺልካ ብምንስፋፍ ወይ ሰርፍ ብምግባር ንኩኪስ ትቕበሎ።

ብዛዕባ ኩኪስ ዝያዳ ኣንብብ