Codso dheeraynta sharciga degganaanshada

Haddii aad heshay meeqaamka qaxoonti ahaan

Adigaaga helay meeqaamka qaxoonti ahaan waxa aad haysataa sharci degganaansho ku meel gaar ah oo ah saddex sano. Saddex sano ka dib ayaa laguu dheerayn karaa sharciga degganaanshada, haddii aad weli u baahantahay gabbaad.

Haddii aad tahay dadka u baahan gabbaad kale

Adigaaga helay meeqaabka dadka u baahan gabbaad kale waxaad haysataa sharci degganaansho oo leh wakhti xadaysan ahna 13 bilood. Ka dib 13 bilood ayaad heli kartaa in laguu dheereeyo sharciga degganaanshada, haddii aad weli u baahan gabbaad.

Codso ka hor inta aan sharcigaaga degganaanshada kaa dhicin

Waa in aad codsataa dheereynta sharciga degenaanshaha ka hor inta aan sharcigaaga degganaanshada ee leh wakhti xadaysan aanu kaa dhicin. Haddii aad la habsaanto codsiga ma laguu oggola in aad shaqayso inta aad sugayso go’aanka. Waxa aad xitaa khatar ugu jirtaa in aad weydo faa’iidooyinka qaarkood, tusaale ahaan taageerada sal-dhigashada, kaalmada waxbarasho ama gunnada waalidka.

Waxa aad codsan kartaa dheeraynta ugu horeyn laba bilood ka hor inta aan sharcigaaga degganaanshada kaa dhicin. Codsiga ka samee adeegga elaktarooninga ee Hey’adda Socdaalka boggeeda intarnetka adiga oo ku gelaya Bank-ID. Adeeggan elaktarooniga ah waxaa la helayaa isagoo ah af Iswiidhish iyo af Ingiriisi.

Fiirso filim ku saabsan in la ahaado qaxoonti ama dadka u baahan gabbaad kale

UR Skola ayaa samaysay filim sharraxaya farqiga u dhaxeeya in la haysto meeqaamka qaxoonti ahaan iyo in la haysto ka ah dadka u baahan gabbaad kale. Filimkan waa af Iswiidhish. Waxa uu leeyahay qoraalo xagga hoose oo ah af Iswiidhish, Carabi, Kurdi, Faarsi, Soomaali iyo Tigrinya.