Wararka

Dib u cusboonaysiinti ugu dambeysay: 6 8 2019

Halkan waxaad ka heli kartaa xiriiryada wararka oo ku qoran iswiidhish fudud, iyo wararka iswiidhishka oo ku turjuban luqado kale. Waxaad xitaa akhrin kartaa wararki ugu dambeeyay ee dhinaca Idaacada Iswiidhan.

Idaacadaha Raadiyowga qaranka Iswiidhan

​​​​​​Meeshan baa waxa ka heleysaa idaacadiihii ugu dambeyay Raadiyowga qaranka Iswiidhan. Hadii oo luqadaada hooyo lagu heleyn waxa isticmaaleynaa kan iswiidhishka.

Tuuji qoralka idaacada sidaa idaacada ugu akhrisatid bogga internetka Raadiyowga qaranka Iswiidhan. Isku xiriiriyahay wuxu furi daaqad kale.

Seddex qof oo loo qabtay iney ka dambeeyeen dil toogasho ee nin 20-tameeyo jir ah

Mon, 05 Dec 2022 15:12:00 GMT+1

Saddex qof ayaa xabsiga loo taxaabay kadib markii lagu eedeeyay dil loo geeystay nin 20-meeyo jir ah jir ah oo lagu toogtay magaalada Södertälje fiidnimadii Axaddii shalay.Waana dhibbanihii toddobaad ee toogashooyin ka dhaca Södertälje sanadkan ku geeriyooday."Ciidanka booliisku waxa uu kordhin doonaa joogitaanka nawaaxiga goobta dambigu ka dhacay, si jawaab loogu helo su'aallaha yaala ama baaritaan loogu sameeyo talaalbooyinka loo baahanyahay in la' qaado" ayey tiri Towe Hägg oo ah afhayeenka booliska ee saxaafadda.

Xukuumadda oo xoogga saaraysa soogalootiga aqoonta sare leh

Mon, 05 Dec 2022 12:54:00 GMT+1

Xukuumadda Sweden ayaa hore ugu dhawaaqday in ay doonayso in sharciga degenaanshaha Sweden ee abaddiyada ah loo baddelo mid ku meel gaar ah, balse sharcigaan ayaan saamayn doonin dadka aqoonta sare leh."Sweden waxay xoogga saaraysaa soogalootiga aqoonta sare leh" ayey tiri Maria Malmer Stenergard (M) oo ah wasiirka socdaalka.Xukuumadda ayaa iminka rabta in ay dib u eegis ku samayso sharciga si soogalootiga aqoon yahanka ah loogu fududeeyo in ay Sweden ku negaadaan.

Xukuumadda oo doonaysa in ay dembi ka dhigto in dhallinyarada lagu hago kooxaha gangiska

Mon, 05 Dec 2022 11:58:00 GMT+1

Xukuumadda Iswiidhen oo doonaysa inay dembi ka dhigto haddii dhallinyaradda da'doodu ka yar tahay 18 sano lagu soo jiito si ey ugu lugyeeshaan faldambiyeedyo, si loo xakameeyo ku biiritaanka dhallinyarada ee kooxaha dambiyadda abaabulan, sida ay sheegtay laanta wararka ee EkotDembiileyaasha gangiska waa in sidoo kale lagu xukumi kari doonaa xukun ka sareeya midka ugu badanSoo-jeedinta xukuumadda yaa lagu wadaa in ay dhaqangasho billowga sannadka cusub 2023.

Xukuumadda Sweden oo dooneysa in la joojiyo gebi ahaan sharciga degenaashaha joogtada ah ee la siiyo dadka magangelyo-doonka ah

Mon, 05 Dec 2022 12:53:00 GMT+1

-Dawladdu waxay doonaysaa in gebi ahaanba meesha laga saaro sharciga degenaanshaha rasmiga ah, sida uu dhigayo heshiiskii xisbiga Sverigedemokraterna iyo dawladda cusubi ay wada galeen ee heshiiskii Tidöavtalet.In ka badan 300,000 oo qof ayaa maanta dalka Iswiidan ku haysta sharci degenaansho rasmi ah. Ku dhawaad in lagu qiyaasay 260,000 ayaa haysta sharciyo degenaasho oo ku meel gaar ah.."Haddii baahida megengelyo ee qofka u baahanyahay ay isbedesho, waa in sidoo kale uu si dhaqso ah ugu laaban karaa waddankiisii hooyo. Haddii aad haysato sharciga degenaanshada joogtada ah, way ka sii adag tahay" Ayey tiri wasiiradda socdaalka Sweden Maria Malmer Stenergard

Xisbiga Socialdemokraterna oo dacwad ka dhan ah Ulf Kristersson u gudbiyey guddi hoosaadka baarlammaanka ee dastuurka

Fri, 02 Dec 2022 17:03:00 GMT+1

Xisbiga Socialdemokraterna oo dacwad ka dhan ah Ulf Kristersson u gudbiyey guddi hoosaadka baarlammaanka ee dastuurka.Ujeeddada dacwaddaan ayaa ah sida uu Ulf Kristersson u sababeeyay in aan Yukrayn loo dirin nidaamka hubka ciidammada lugta ee magaciisa la yiraa Archer. Peter Hultqvist o oo ah afhayeenka siyaadda difaaca ee Socialdemokraterna ayaa ku doodaya in sababaynta uu Kristersson sheegay aaney sax ahayn.

Falcelin ka dhalatay barnaamijkii ”Ka qaxidda Iswiidhen kuwayagan dhimanaya”

Mon, 05 Dec 2022 15:12:00 GMT+1

Falcelinno kala duwan ayaa laga sameeyey barnaamij arbacadii toddobaadkan oo ku aadnayad 30-kii bishaii noveember ka baxay idaacadda Radio Sweden, midkaasina oo ku saabsanaa dhallinyarada ey walidiintoodu dalka kala cararaan si naftooda looga badbaadiyo toogashooyinka.Barnaamijkan oo loogu magac-darey ”Ka qixidda Iswiidhen –annagayagan dhimaneyna”, ayaa farcaddiisii labaad oo baxay arbacadii waxaa qeyb ka ahaa Mahamud Ahmed Kulane "Waxaan u hadlayaa tiiraanyo-bax iyo sidaan wiilkayga cadaalad ugu heli lahaa", sida uu sheegay Mahamud Ahmed Kulane oo wiil 21-jir ahaa lagaga diley toogasho laba sannadood hortood.

Ku guuleyste abaalmarinta Nobel ayaa kalaab muusigga teckno lagu cayaaro ku dabbaal degaya

Fri, 02 Dec 2022 15:27:00 GMT+1

Svante Pääbo oo ku guulaystay abaalmarinta Nobel ayaa dabaaldeg ku dhigtay kalaab muusigga teckno lagu cayaaro.Sababta dabbaaldegga goobtaan ayaa ah maadaama uu cilmibaaris horey ugu sameeyey kalaabkan dhexdiisa xilligii aafadii coronuhu ay sida ba'an u faafaysey.Svante Pääbo ayaa markuu abaalmarinta helay wuxu email ka helay mulkiilaha kalaabka oo u soo qoray "gurigeennu waa gurigiinna."

Fakhri ayaa la soo gudboonaada haweenka kolka uu furriin dhaco

Fri, 02 Dec 2022 10:35:00 GMT+1

- Haweenka ayuu la soo gudboonaadaa dhaqaale darro kolka uu qoysku kala tago, sida ku cad daraasad cusub oo lagu sameeyey jaamicadda Istockholm.Culimada ayaa ogaatay in dhammaan kooxaha kala duwan ee haweenku iney halis dheeri ah ugu jiraan iney u baahdaan taageero dhaqaale kolka uu furriin yimaado. "Habka aannu u noolnahey inta qoysku wada joogo ayaa saameeyn ku yeelata nolosha kolka qoysku kala tago.", sida ay sheegtay caalimadda Caroline Uggla oo ka howlgasha jaamicadda Istockholm.

Dadka shaqada ku hela sharciga Sweden oo sharuud ka adag tii hore la rabo in lagu xiro

Fri, 02 Dec 2022 17:04:00 GMT+1

Baarlammaanka Sweden ayaa u codeeyay in la kordhiyo mushaarka ay tahay in uu qaato qofka rabo in uu sharci degenansho ku qaato shaqo uu helay.Dhammaan xisbiyada barlammaanka, marka laga reebo xisbiga Vänsterpartiet, Miljöpartiet iyo Centerpartiet ayaa u codeeyay hindisaha sharcigan. Waxaanse weli cadday inta uu yahay heerka kordhinta mushaarkaan ay tahay qofku in uu soo galo si uu sharci ugu helo inuu shaqeeyo, iyadoo xukumadda iyo xisbiga Sverigedemokraterna in ay aad u kordhiyaan.

Xisbiyada wadashaqaynta xukuumaddu ka dhaxayso oo taageradooda shacabku hoos u dhacday

Thu, 01 Dec 2022 15:22:00 GMT+1

Baaritaan cusub oo ay samaysay hay'adda tirakoobka ee SCB ayaa sheegtay in taageerada xisbiga Socialdemokraterna ay kor u kacday ka dib doorashadii sanadkaan, iyadoo isla markaana taageerada xisbiga Sverigedemokraterna uu yahay midda ugu badan ee hoos u dhacday.Baaritaankaan la sameeyay ayey ku caaddaatay in dhamaan xisbiyada wada shaqeeyn xukuumadeed ka dhaxayso ay heleen taageero hoose markii loo eego tii ay ka heleen doorashadii ugu dembeysay.Fredrik Furtenbach oo laanta Ekot uga faallooda arrimaha siyaasadda ayaa yiri: Sharraxaadda suurtgalka ahi, waa in siyaasadda xukuumadda cusub dood aad u badan la geliyey, iyadoo in badan xukuumadda lagu dhaliilay.''

Xarunta dhexee nabadda ee Elman oo la guddoonsiiyey biladda bedelka Nobel-ka

Thu, 01 Dec 2022 11:36:00 GMT+1

Fiidnimaddii xalay ayaa la guddoonsiiyey ururradii ku guuleeystey abaalmarinta Right Livelihood Award ee 2022, oo uu ka mid ahaa ururka Elman Peace Center oo ka howlgala magaalada Muqdisho.dadka iyo Ururradda abaalmarinta helay sannadkaan ayaa kala ah: Fartuun Adan iyo Elwad Elman, Oleksandra Matviichuk iyo xarunta dhecxe ee CCL, Cecosesola - Venezuela iyo Machadka Afrika ee Maamulka Tamarta (AFIEGO)."Rajadaydu waxay tahay in abaalmarintani indhaha caalamka ku soo jeediso dhibaatooyinka Soomaaliya sidii wax looga qaban lahaa", sida ay sheegtay Ilwad Elman oo ka mid ah dadka iyo ururrada abaalmarinta ku guuleeystay.

112 oo ay suurtagal noqon weyday in la waco korontadoo tagtay darteed.

Thu, 01 Dec 2022 10:42:00 GMT+1

Haddii korontadu go'do waxaan suurtagal ahayn in la waco nambarka laaramka 112 ee la waco markii khatar dhacdo waayo waxaan shaqayneyn mobilmaster, oo ah saldhig isgaarsiineed oo sii gudbiya wicidda telefoonnada.Joakim Jansson oo ah madaxa adeegga badbaadada ee Vimmerby ayaa aad u dhaliilsan liidashada xoogga kaydka saldhigyada isgaarsiineed ee sii gudbiya wicidda telefoonnada, 'mobilmasterna.'Aad baan uga walwalayaa in aanay haysan kayd kaba markuuna shaqaynayn ayuu yiri Sven Joelsson.

Dadka ka soo jeeda qaaradda Afrika oo la kulma dembiyo nacayb ku saleeysan

Wed, 30 Nov 2022 16:39:00 GMT+1

Afro-iswiidhishka ayaa ah kooxda loo geysto dambiyada nacaybka ugu badan dalka IswiidhenSida lagu muujiyey warbixin cusub oo ka soo baxaday Golaha Ka hortagga Dembiyada (Brå) oo eegis ku sameeysay dacwado loo gudbiyey boliiska iyo wareeysiyo ey la yeelatay afrikaanka-iswiidhishka ah"Waxaa igu dhacay cunsuri-nimo, anigoo, meesha Volvada anigoo galaya, oo balan ku leh ayaa labo nin oo caddaan, markii cudurka karoonuhu ugu xumaa bay ahayd oo candhuuf igu tufeen" ayuu yiri Abdi haaji oo Taxiile ah oo la hadlay laanta Afka-soomaaliga ee Raadiya Iswiidhen.

Loolan dhanka awooda ah oo ka dhex taagan xisbiga Nyans

Wed, 30 Nov 2022 14:23:00 GMT+1

Loolan-awoodeed ayaa ka dhex aloosan xisbiga Nyans, halkaasina oo hoggaamiyaha xisbiga lagu eedeeyey inuu si aan dimoqoraadiyad ahayn wax u maamulo, sida laga soo xigtay idaacadda SVT.Xisbiga ayaa loo dortay degmooyinka Landskrona iyo Botkyrka. Tan iyo markaa hoogamiyaha xisbiga Mikael Yuksel waxa uu xubin ka yahay golaha deegaanka Botkyrka.Yüksel ayaa telefishinka qaranka u sheegay in uu wali daremaayo kalsooni taageero oo uu ku qabo hogaaminka xisbiga.

Lacagta kabidda korontada ee guryaha oo la bilaabi doono bisha feebaraayo

Wed, 30 Nov 2022 14:21:00 GMT+1

Lacagta ay dowladdu ku kabayso korontada qaaliga noqotay oo la bixinayo bish feebaraayo sannadka dhawaan bilaabanaya.Lacagtaan ayaa wakaaladda caymiska qaranku qorshaynaysaa in ay si toos ah u bixiso bisha feebaraayo.Ujeeddada kaalmadaan kabidda koronto ayaa ah in wax uun loo celiyo macaamiisha koronto ee deggan koonfurta dalka oo ay korontadu aad ugu qaaliyoowday.

Waaliddiin ayaa ilmahooda Sweden ka kaxeeya si ay uga badbaadiyaan kooxaha gaangiska

Fri, 02 Dec 2022 16:55:00 GMT+1

- In carruurta lagala cararo xaafadaha duruufaysan ee ku yaal duleedka magaalooyinka waaweyn ayaa noqotay xal ay waaliddiinta ay waalidiintu uga badbaadsadaan dhallaankooda kooxaha gaangiska. Sidas waxaa looga sheekeeyay dukumentaarka Sveriges Radiyo ee "Ka qaxa Sweden" – kuweenna dhimanaya' (Flykten från Sverige).Mohamud Kollane oo ah aabbe ku nool Husby, Stockholm ayaa markuu ogaaday in wiilkiisu daroogada gado, isla markaasna saaxiib la yahay dembileyaal, ayuu u dhoofiyey Soomaaliya."Kun jeer baan uga digay in uu naftiisa ku wayn doono." ayuu yiri.

Ragga ajaanibka ah oo qoysaska leh oo noqday kuwa ugu saboolsan

Wed, 30 Nov 2022 11:00:00 GMT+1

Baaritaan cusub oo ka soo baxay jamaacada Göteborg ayay ku caddaatay in ragga ajaanibka ah ee qoysaska leh ey hadda noqdeen kooxda ugu badan ee saboolka ah.Kooxdaan cusub ayaa ah dad dakhligoodu aanu ka badnayan 13 300 oo karoon bishii.Shaqooyinka ugu badan oo ay raggan ajaanibka ah ka shaqeeyana ayaa ah tima-jare, weel dhaqid iyo sidoo kale darawalnimo.

Dhallinyaro lagu faraxumeeyay guri lagu xannaaneeyo oo dowladdu maamusho

Tue, 29 Nov 2022 16:40:00 GMT+1

Hawlawadeenno xarunta carruurta iyo dhallinyarada lagu hayo, SiS-hem, oo ay ku socoto baaris ah in uu carruur ku sameeyeen faraxumayn jinsi oo dhowr jeer ah, ayaa intii lagu jirey baarista booliiska, ayaa ka sii shaqaynanyey guriga carruurta lagu hayo. Arrintaan ayaa soo baxday ka dib dabagal uu sameeyay barnaamijka Kaliber ee ka baxa Raadiyaha Sweden.In sidaan la samaynayaa ay tahay amniga dhallinyarada iyo carruurta oo khatar la gelinayo, sida ay qabto Hay'adda kormeerka caafimaadka iyo bulshada IVO.Lina, oo 18 jir ahayd, oo hawlwadeenkaan ku eedaysay in uu fara xumeeyay, balse ninka ayaa shaqadiisa iska sii watay intii baaristu scotay. " dareen argagax leh" ayey tiri.

Ka faquuqnaanta bulshada iyo rajo la'aantu waa sababo ay dumar Iswiidhish ah ugu safreen Suuriya

Tue, 29 Nov 2022 14:46:00 GMT+1

Baaritaan ayaa lagu sameeyay jaamicadda Göteborg si lagu ogaado waxyaabaha soo jiito ama ku kalifa dumarka ku dhaqan galbeedka Sweden in ay u safreen dalka Suuriya si ey ugu biiraan ururka argagixisada Daacish.Ka faquuqnaanta bulshada iyo rajo la'aan- ayaana ka mid ah sababaha ay ku doorteen arrinkaa dumar ka soo jeeda galbeedka dalka Sweden.Sannadihii 2014-2015 ayaa guud ahaan tiro dhan 25 dumar ah ka safreen galbeedka Sweden ayago ku wajahan dalka Suuriya oo uu ka dhisnaa ururka Daacish.

Markab dagal ayaa taageero muujin Nato Stockholm u jooga

Tue, 29 Nov 2022 16:08:00 GMT+1

Gaashaanbuurta Nato ayaa laba jibbaartay maraakiibta dagaal ee badda Östersjön ku jira. Sababaha ayaa waxa ka mid ah dagaalka Yukrayn iyo weliba ballantii Nato ee in la xoojiyo xudduudaha Sweden ka dib dalabkeedii ku biiridda Nato.Markab dagaal o dhererkiisu 150 mitir yahay ayaa hadda ku sugan marsada frihamn ee Stockholm ka dib tababa ay todobaadyadaan uu kaga qayb qaatay goobahan. Kulaalidda markabkaan faransiiska marsooyinka Stockholm ayaa ah oofin dibolomaasi oo Faransiiska soo bandhigayo, sida uu sheegay andaato militaaraha faransiiska ee Sweden Jerome Chevalier: