Wararka

Dib u cusboonaysiinti ugu dambeysay: 6 8 2019

Halkan waxaad ka heli kartaa xiriiryada wararka oo ku qoran iswiidhish fudud, iyo wararka iswiidhishka oo ku turjuban luqado kale. Waxaad xitaa akhrin kartaa wararki ugu dambeeyay ee dhinaca Idaacada Iswiidhan.

Idaacadaha Raadiyowga qaranka Iswiidhan

​​​​​​Meeshan baa waxa ka heleysaa idaacadiihii ugu dambeyay Raadiyowga qaranka Iswiidhan. Hadii oo luqadaada hooyo lagu heleyn waxa isticmaaleynaa kan iswiidhishka.

Tuuji qoralka idaacada sidaa idaacada ugu akhrisatid bogga internetka Raadiyowga qaranka Iswiidhan. Isku xiriiriyahay wuxu furi daaqad kale

C: Ma dooneyno inaan wada hadal miisaaniyadeed la galno xisbiga V

Wed, 23 Jun 2021 12:02:00 GMT+2

Miljöpartiet ayaa isku dayay in uu dhexdhexaadin ka dhex abuuro siyaasada cakiran ee u dhexeyso xisbiyada C iyo V. Xisbiga MP ayaa soo jeedinaya in xisbiyada dowlada ay la fariistaan xisbiga C iyo V si ay ugala xaajoodaan waxa ay ugu yeereen heshiiska Juun. Ku xigeenka Xisbiga C Anders Jonsson oo la hadlayay P4 Gävleborg ayaa sheegay in xisbigiisa uusan dooneenin in uu furo wada shaqan dhanka miisaaniyada ah ee uu la yeesho xisbiga V.

Cawad: Wey adag tahay in dowlad la soo dhiso

Tue, 22 Jun 2021 16:37:00 GMT+2

Khilaafka soo kala dhexgalay dowladda iyo xisbiga Vänsterpartiet ayaa keenay inay dowladdu kalsooni ku weydo baarlamanka dalka. In kastoo lkalsoonidii laga noqday dowladda waxay haddana u muuqaata inay adag tahay sidii dowlad cusub lagu soo dhisi lahaa. ”Boqolkii konton waxay u badan tahay in doorasho loo dareero”, ayuu yiri Cawad Xirsi oo horey uga tirsanaan jiray xisbiga Miljöpartiet.

Xubnihii Liberal-ka oo faarujiyay xaafiiska dowlada

Wed, 23 Jun 2021 12:04:00 GMT+2

Intii heshiiskii Janaayo uu shaqeynayay, xisbiga Libaraalku wuxuu xafiisyada dawladda ku lahaa shan xubno shaqaale. Markii dowladii Löfven kalsoonida lagala noqday isniintii shalay ayay Nyamko Sabuni hogaamiyaha xisbiga L cadeysay in ay daba socon doonto dowlad cusub saraakiishiina ay shaqada ka dareereen. Sabuni, ayaa sheegtay in heshiiskii jaanyo ee u dhexeeyey dowlada, xisbiga Centerpartiet iyo Vänsterpartiet uusan sii socon doonin 

Mahdi: Waalidiin baa isweydiinaya sababta iskuullada loo xirey

Tue, 22 Jun 2021 13:11:00 GMT+2

Arday badan ayaa u baahan doonto iskuulo cusub oo lagu meeleeyo kadib markii la xiray iskuullada Al-Azhar ee Vivalla iyo Mellringe. Hay’adda kormeerka iskuullada ayaa go’aan ku gaartay in la xiro iskuullada Al-Azhar ee Vivalla iyo Mellringe. ”Waalidiin badan ayaa ka walwalsan sababta iskuuladan loo xiray”, ayuu yiri Mahdi Warsame oo ka mid ah macallimmiinta wax ka dhigta iskuullada ku yaala degmada Örebro.

Kristersson: Centerpartiet waa in ay go’aan gaaraan

Tue, 22 Jun 2021 16:10:00 GMT+2

Kadib markii la riday shalay xukuumadii R/wasaare Stefan Löfven ayuu sheegay hogaamiyaha xisbiga M Ulf Kristersson in hadaa ay u taalo Centerpartiet in uu go'aan ka gaaro dhanka uu u janjeero. Waxaa jira shuruudo lagu soo dhisi karo dowlad cusub.            "Waxaan diyaar u ahay inaan qaado masuuliyadda dalka", ayuu yiri Ulf Kristersson (M) oo la hadlay laanta wararka Ekot.

Mariam: Arrinta kirada waa in la xaliyaa

Tue, 22 Jun 2021 12:50:00 GMT+2

Stefan Löfven ayaa maanta shir jaraa’id ku sheegay inuu dalku galay xaalad adag kadib markii dowladiisa kalsoonidiilagala laabtay. ”Laba waddo ayaa dowladda u furan si looga maarmo in doorasho loo dareero”, ayay tiri Mariam Yassin, oo bartay cilmiga siyaasadda. Stefan Löfven ayaa haysta toddoba maalmood sidii uu xal arrinkaa uga keeni lahaa.

Löfven oo todobaad heysta si uu xal u gaaro

Tue, 22 Jun 2021 12:50:00 GMT+2

Shir jaraa’id uu qabtay R/ wasaare Stefan Löfven ayuu sheegay in haatan uusan bixin karin war xaqiiqa ah balse dhawaan ay xal gaari doonaan. 181 xildhibaan ayaa HAA dhahay,109 maya halka 51 ka aamuseen. Heshiiska siyaasadeed ee dhex maray afarta xisbi, waa in mid tanaasul sameynaya. Waana inaan waajashaa si aan xal u gaaro ayuu yiri Stefen Löven.

Dowladda oo maanta la riday

Tue, 22 Jun 2021 12:51:00 GMT+2

Dowladda ra’iisal wasaare Stefan Löfven (S) ayuu baarlamanka dalka kalsoonida kala noqday maanta. Xisbiyada M, KD, SD iyo V u codeeyeen in la rido dowladdaas iyadoona ay 181 xildhibaan kalsoonida kala noqdeen dowladda. ”Ra’iisal wasaaraha dhacay ayaa heysta hal wiig si uu eego hadduu mar kale dowlad soo dhisi karo”, ayuu yiri Qalinle Dayib, xisbiga Center-ka.  

Baarlamanka oo u fadhiya inuu codka kalsoonida u qaado dawladda

Tue, 22 Jun 2021 12:51:00 GMT+2

Baarlamanka dalka ayay ka socotaa dood la xiriirta kalsoonida la doonayo in dawladda loo qaado. 10:45 ayaa la filayaa inay soo baxdo natiijada codeeyntaasi. Waxay u muuqataa in dawladda kalsoonida lagala noqon doono.

Löfven oo kalsoonida lagala noqon rabo

Tue, 22 Jun 2021 12:51:00 GMT+2

Mooshin ka dhan ah xukuumada R/wasaare Stefan Löfven oo ay gadaal ka riixayaan xisbiyada SD oo garab ka helay V, M iyo KD ayaa loo wadaa baarlamaanka dalka. Xisbiyada ayaa codsanaya in ay kalsoonida kala laabtaan Löfven iyo xukuumadiisa oo ay sheegeen in ay ku fashilmeen hogaaminta dalka. Caafimaadka, dambiyada, shaqo la’aanta iyo qoxootiga ayaa ah waxyaabaha ugu badan ee lagu heysto Löfven. 

Mariam: Dowladdu aqlabiyad kuma laha baarlamanka

Tue, 22 Jun 2021 12:52:00 GMT+2

Baarlamanka ayaa isniinta,  saacadda 10:00 codka kalsoonida u qaadaya dowladda Stefan Lövfen. Dowladda Stefan Lövfen ayaa dhici doonto haddii ay xisbiyada sheegay inay ridayaan dowladda halkooda ku adkeystaan. ”Waxaan war loo heyn sida ay wax ku dhammaan doonaan isniinta maadaama aanay dowladdu aqlabiyad ku heysan baarlamanka”, ayay tiri Mariam Yassin (S), xildhibaan golaha deegaanka Katrineholm.

Löfven oo kalsoonida waayi kari doona isniinta

Tue, 22 Jun 2021 12:20:00 GMT+2

Isniinta ayaa baarlamaanka looga codeeyn doonaa in kalsooinda lagala laabto ra'iisal wasaare Stefan Löfven. Taas oo xidiidh la leh inuu xisbiga Vänsterpartiet sheegay in aaney kalsooni u qabin. Xisbiyada M, KD iyo SD ayaa iyaguna caddeyey iney taageersan yihiin in la rido ra'iisal wasaaraha iyo dawladdiisaba.

Farriin muhiim ah

Fri, 18 Jun 2021 14:05:00 GMT+2

Farriin muhiim ah oo ku wajahan dadka deggan nawaaxiga Husrum, degmada Örnsköldsvik ee gobolka Västernorrland. Daar ku taala nawaaxi warshadeed ayaa gubanaysa. Howlwadeennada gargaarka degdegga ee goobta ka howlgeleya ayaa bulshada nawaaxigaa ku sugan kula talineya iney guryaha galaan oo xiraan albaabbada, daaqadaha iyo dhammaan goobaha ey hawadu ka soo gasho. Warbixin intaa dhaafsiisan kala soco laanta idaacadda ee P4 Västernorrland.

Märta Stenevi: "Xal waannu heli karnaa"

Tue, 22 Jun 2021 12:20:00 GMT+2

Xaaladda siyaasadeed ee la xirriirta kalsooni kala noqoshada ra'iisal wasaare Stefan Löfven ayaa u muuqata arrin cajiib ah. Märta Stenevi oo ah hoggaamiyaha xisbigga Bey’adda iyo Wasiirka Guryaha ayaa sheegtay in ay xal u heli karaan mooshinka ka dhan ah xukuumadda haddii ay helaan fursad wax lagu xalin karo. ”Waa xaalad aan horey u soo marin sooyaalka siyaasadeed ee Sweden” ayuu yiri barafeeysar Jan Teorell.

M iyo KD oo iyaguna doonaya in dowladda la rido

Tue, 22 Jun 2021 12:20:00 GMT+2

Moderaterna iyo Krisdemokraterna ayaa iyaguna soo gudbiyey inay diyaar u yihiin sidii codka kalsoonida loogu qaadi lahaa dawladda Stefan Lövfen. Taasi waxay noqoneysaa in aqlabiyad ka mida xubnaha baarlamanka ay hadda diyaar u yihiin riditaanka dowladda dalka ka talisa. Waxay ahayd saaka markuu xisbiga Vänsterpartiet sheegay inaanu kalsooni u hayn dowladda.

Xisbiga V oo doonaya inuu dowladda kala noqoto kalsoonida

Tue, 22 Jun 2021 12:20:00 GMT+2

Xisbiga Vänsterpartiet ayaa sheegay inaanu kalsooni u hayn dowladda kana shaqeyn doono sidii lagu ridi lahaa dowladda. Nooshi Dadgostar, gudoomiyaha Vänsterpartiet ayaa taageero ka dalbaneysa Moderaterna iyo Krisdemokraterna si looga takhaluso dowladda. ”Ma aha jawaab fudud waxa aan bixinayo maanta laakin waa inuu jiraa qof u istaaga shacabka iswiidhisha ee guryaha kireysta”, ayay tiri.

Tallaabooyin looga hortagayo danbiyada kaalmada dhaqaale

Thu, 17 Jun 2021 11:05:00 GMT+2

Dowladda ayaa maanta go’aan ka gaareysa tallaabooyin cusub oo looga hortagayo danbiyada kaalmooyinka dhaqaale iyo lacagaha sida qaldan looga qaato nidaamka daryeelka bulshada. Magdalena Andersson, wasiirka dhaqaalaha ayaa sheegtay isku dubaridka howshaasi inay hogaamin doonto wakaaladda hagidda dhaqaalaha. ”Waxanu sii adkeyn doonaa ciqaabta lagu muteysto danbiyada noocaa ah”, ayay tiri.

Shuruuddii xisbiga Vänsterpartiet oo berri 10:00 subaxdii ku eg

Tue, 22 Jun 2021 12:20:00 GMT+2

Xisbiga Vänsterpartiet ayaa sheegay haddii aaney dawladdu shuruuddeeda ka jawaabin illaa berri uu ridi doono ra'iisal wasaaraha. Sababta ayaa ah in ay ka soo hor jeedaan hindisaha u ogolaanaya shirkadaha kirooyinku in ay go´aamiyaan kirada guryaha cusub. "Haddii la dhabeeyo dhibaatooyin badan ayey keeni kartaa", ayuu sheegay Ilyas Hassan oo hogaanka sare u fadhiya Vänsterpartiet.

Feyruska Delta oo ka xanuun badan nuucyada kale ee coronavirus

Wed, 16 Jun 2021 13:57:00 GMT+2

Fayruska corona noociisa Delta oo markii ugu horreeysay laga heley dalka Hindiya ayaa ka halis badan sida lagu ogaaday baaris cusub oo la sameeyay. Dadka xanuunka la daalaa dhacay ayaa la sheegay in gargaaro degdeg u doontaan isbtiaalada, sida ay sheegtay Karin Wisell. Dad badani tallaalka qaatay, xilliga kuleeylaha waxeyna qeyb ka tahay dadaalada loogu jiro yarenta faafida covid-19

Dalbashada gunnada caydha oo korodhay sannadkii 2020

Wed, 16 Jun 2021 16:14:00 GMT+2

8-da ka mid ah degmooyinka dalka ugu waaweyn ayaa xaqiijiyay in dadyowga dalbada gunada tageerada ee ceeydha ay koradhay xiligii uu socday xanuunka  covid-19. Middaasina ugu wacan tahay shaqa la'aanta uu sababay xanuunka covid-19. Linköping ayaa mid ah degmooyinkaasi ay aadka u kordheen dadyowga taalkuladaasi dalbaday, sida ay sheegtay Mikaela schullström oo ah madax waaxeed ka tirsan deegaanka Linköping.