ናትካ ትካል ምብጋስ ዕቝባ ሓቲትካ መልሲ ኣብ ትጽበየሉ ግዜ

ናይ መጠረሽታ ዝተሓደሰሉ: 3 6 2025

ሓታቲ ዕቝባ ኣብ ዘለኻሉ እዋን ናይ ባዕልኻ ትካል ክትከፍት ትኽእል ኢኻ። እንታይ ክትገብር ከም ዘድልየካ ኣብዚ ከተንብብ ትኽእል ኢኻ።

ናይ ባዕልካ ትካል ንምኽፋት እዚ ዝስዕብ ናይ ግድን የድልየካ፦

ኤፍ-ስካት (ናይ ትካላት ግብሪ) ንኽህልወካ ብቑዕ ክትከውን
ግዝያዊ ቍጽሪ መንነት (samordningsnummer) ክህልወካ

ኤፍ-ስካት

ናይ ባዕልካ ትካል ንምኽፋት ኤፍ-ስካት ክህልወካ ናይ ግድን ብቑዕ ክትከውን ኣለካ። ኤፍ-ስካት ኣሕጽሮተ ቃል ናይ ትካላት ግብሪ እዩ። ኤፍ-ስካት ክህልወካ ብቑዕ ንኽትከውን ኣብ ናይ ብዓል መዚ ግብሪ (Skatteverket) መርበብ ሓበሬታ ኣቲካ ከተመልክት ትኽእል ኢኻ።

ብዛዕባ ኤፍ-ስካት ኣብ መርበብ ሓበሬታ ብዓል መዚ ግብሪ ብዝያዳ ኣንብብ።