ትምህርቲ ርኸብ

ካሙናላዊ ትምህርቲ ንኣባጽሕ ንዓኻ ኣብ መባእታዊ ቤት ትምህርቲ ወይ ካልኣይ ደረጃ ቤት ትምህርቲ ዘይተማሃርካ

መብዛሕትኡ ስራሓት ኣብ መባእታዊ ወይ ካልኣይ ደረጃ ትምህርቲ ዝተማሃርካ ክትከውን ይጠልብ እዩም። ንስኻ ዓቢ ዝኾንካን ኣብኡ ዘይተማሃርካን፡ ኣብ ኮሙናላዊ ትምህርቲ ንዓበይቲ (ኮምቩክስ) ክትምሃር ትኽእል ኢኻ። ኣብኡ ልክዕ ከምቲ ናእሽቱን መንእሰያትን ኣብ መባእታዊ ቤት ትምህርቲ ወይ ኣብ ካልኣይ ደረጃ ቤት ትምህርቲ ዝመሃርዎ ዓይነት ትምህርቲ ክትምሃር ትኽእል ኢኻ። ኣብ ኮምቩክስ ሽወደንኛ ንወጻእተኛታት (ኤስኤፍኢ) ክትምሃርን ነቲ ዝነበረካ ትምህርቲ ክትምልኣሉ ወይ ናይ ሞያ ትምህርቲ ክትወስድን እውን ትኽእል ኢኻ።

ኣብቲ ትነብረሉ ኮሙን እንታይ ዓይነት ዕድላት ከም ዘሎ ንምፍላጥ፡ መርበብ ሓበረታ ኮሙንካ ርኣ ወይ ምስ ኣብ ትነብረሉ ኮሙን ዘሎ ሓባሪ ትምህርትን ሞያን ርክብ ግበር።

ኣብ ዩኒቨርሲቲ፡ ኮለጅ ወይ ሞያዊ ኮለጅ ትምህርትኻ ቀጽል

ንስኻ ናይ ካልኣይ ደረጃ ትምህርትኻ ዝወዳእካ ትምህርትኻ ክትጽል ምስ እትደሊ፡ ኣብ ዩኒቨርሲቲ፡ ኮለጅ ወይ ሞያዊ ኮለጅ ክትመሃር ክትመርጽ ትኽእል ኢኻ። እቲ ትምህርቲ መብዛሕትኡ ግዜ ገንዘብ ዘይክፈሎ ነጻ እዩ።

ሓደ ኮርስ ወይ ምሉእ መደብ ክትምሃር ክትመርጽ ትኽእል ኢኻ። ንዝተፈላለዩ ኮርስታትን መደባትን ዝተፈላለየ ናይ መእተዊ ረቋሒታትን ኣለዎም። ብዛዕባ እቶም ዝተፈላለዩ ትምህርትታትን ናብኦም መእተዊ ረቋሒታትን ኣብ መርበብ ሓበሬታ ናይተን ኣብያተ ትምህርቲ ብዝያዳ ከተንብብ ትኽእል ኢኻ።

ኣብ ህዝባዊ ቤት ትምህርቲ ሓደ ኮርስ ክትመሃር ወይ ንሓደ ሞያ ክትምሃር ትኽእል

ኣብ ህዝባዊ ቤት ትምህርቲ ዝተፈላለዩ ኮርሳትን ትምህርትታትን ኣለዉ። ኣብኡ፡

• ልክዕ ከምቲ ናእሽቱን መንእሰያትን ኣብ መባእታዊ ቤት ትምህርቲ ወይ ኣብ ካልኣይ ደረጃ ቤት ትምህርቲ ዝመሃርዎ ዓይነት ትምህርቲ፡
  
• ዘገድሰካ ኣርእስቲ ንኣብነት ከም ናይ ሙዚቃ ወይ ናይ ስነ-ጥበብ ኮርሳት፡
  
• ሞያዊ ትምህርቲ፡ ንኣብነት ከም ተሓጋጋዚት ነርስ ክትምሃር ትኽእል ኢኻ።
  

ገሊኣን ኣብያተ ትምህርቲ ብፍላይ ንዓኻ ኣብዚ ቀረባ ግዜ ናብ ሽወደን ዝመጻእካ ዝዓለመ ኮርሳት እውን ኣለወን። ኩሉ ኣብ ህዝባዊ ቤት ትምህርቲ ዝወሃብ ትምህርቲ ገንዝብ ዘይክፈሎ ነጻ እዩ።

ኣብ ብዙሓት ህዝባዊ ኣብያተ ትምህርቲ እናተማሃርካ ኣብቲ ቦታ ክትቕመጥ ትኽእል ኢኻ። ኣብኡ ኣብ ትቕመጠሉ ናይ ሓደ ክፍሊ ክራይ ክትከፍል ኢኻ።

ምስ ሓደ ሓባሪ ትምህርትን ሞያን ክትራከብ ትኽእል ኢኻ

ትምህርቲ ክትመርጽ ከለኻ ሓገዝ እንተደሊኻ፡ ኣብ ትነብረሉ ኮሙን ምስ ዝርከብ ሓባሪ ትምህርትን ሞያን ክትራከብ ትኽእል ኢኻ።

ኣብ ትምሃረሉ እዋን ካብ ማእከላይ ኮሚተ ደገፍ ትምህርቲ (ሲኤስኤን) ቍጠባዊ ሓገዝን ልቓሕን ርኸብ

መብዛሕትኡ ግዜ ኣብ ሽወደን ትምህርቲ ገንዘብ ዘይክፈሎ ነጻ እዩ። ኣብ እትመሃረሉ እዋን ነብስኻ ክትናቢ ንኽትክእል ካብ ማእከላይ ኮሚተ ደገፍ ትምህርቲ (CSN) ቍጠባዊ ሓገዝን ልቓሕን ክትረክብ ትኽእል ኢኻ። እቲ ከተመልክተሉ ትኽእል ቍጠባዊ ደገፋትን ልቓሕን፡ ኣብ ዕድሜኻን ኣብ ኣየናይ ደረጃ ትምሃር ከም ዘለካን እዩ ዝውስኖ።

ሲኤስኤን ንዓኻ ክትምሃር ትደሊ ብዛዕባ ዝተፈላለዩ ቍጠባዊ ሓገዛትን ልቓሕን ዝገልጽ ፊልም ኣዳልዩ ኣሎ። እቲ ፊልም ብሽወደንኛ ኾይኑ፡ ብብዙሕ ቋንቋታት እዉን ትሕተ-ኣርእስቲ ኣለዎ።