ናይ ወጻኢ ሃገር ትምህርቲ ኣንተ ኣሎካ ኾይኑ

ኣብ ኣርቤትስፎርመድሊኘን ከም ደላይ ስራሕ ምዝጉብ እንተ ዄንካ፡፡ እቲ ሰነዳት ንኽቱርጐም ክሕግዙኻ ይኽእሉ እዮም።

ትምህርቲኻ ከም ዝግምገም ግበር

ዩኒቨርሲቲን ኮለጅን ሽማግለ (UHR) ትምህርትኻ ክግምገም ክትገብረሉ እትኽእል ሓደ ኣገልግሎት ኣለዎም። እዚ ድማ ምስ ናይ ሽወደን ትምህርቲታት ኣወዳዲርካ ኣብ ሽወደን ትምህርትኻ ምሰየናይ ትምህርቲ ከም ዝዳረግ ትርኢ ማለት እዩ። ድሕሪኡ ንኣብነት ስራሕ ክትደሊ ከለኻ ከተርእዮ እትኽእል ድሮ ገምጋም ዝተገብረሉ ሰነድ ኣለካ። እቲ ኣገልግሎት ብናጻ እዩ።

ካብ ናይ ዩኒቨርሲቲን ኮለጅን ሽማግለ (UHR) ርእይቶ ንምርካብ ኣመልክት

ኣብ ናይ ዩኒቨርሲቲን ኮለጅን ሽማግለ (UHR) መገምገሚ ኣገልግሎት፡ ኵለን ሃገራት የለዋን። ሃገርካ ምስ ዘይትህሉ፡፡ ኣብ ክንድኡ ርእይቶ ንምርካብ ናብ ናይ ዩኒቨርሲቲን ኮለጅን ሽማግለ (UHR) ከተመልክት ትኽእል ኢኻ።

ሓደ ርእይቶ፡ ትምህርትኻ መዳርግቲ ኣየናይ ትምህርቲ ኣብ ናይ ሽወደን ስርዓተ ትምህርቲ ከም ዝኾነ ዘርኢ ሰነድ እዩ። ነዚ ርእይቶ ንምሃብ፡ ናይ ዩኒቨርሲቲን ኮለጅን ሽማግለ (UHR) ነቲ ናይ ትምህርቲ ሰነዳትካ ይምርምርዎ እዮም። ርእይቲ ንምርካብ ምምልካት ኣይክፈሎን እዩ።

ኣብ ሽወደን ንገሊኡ ሞያታት ሓደ ፍሉይ ወረቐት ፍቓድ የድልየካ እዩ

ኣብ ሽወደን ገሊኦም ሞያታት ቍጽጽር ዝግበረሎም እዮም እዚ ማለት፡ በቲ ሞያ ንምስራሕ ሓደ ፍሉይ ፍቓድ ወይ ፍቓድ ዘለካ ክትከውን ይሓትት ማለት እዩ። መማህራን፡ ሓካይምን ኣለይቲ ሕሙማትን ኣብነት ናይ ከምዚ ዓይነት ሞያ እዮም።

ኣብ ሓደ ቍጽጽር ዝግበረሉ ሞያ ክትሰርሕ ንኽትክእል፡ ምስቲ ነዚ ሞያ ሓላፍነት ዘለውዎ ብዓል መዚ ምርካብ የድልየካ። ከም ኣላዪት ሕሙማት ወይ ሓኪም ፍሉይ ፍቓድ ንምርካብ ምስ ቤት ምኽሪ ጥዕናን ማሕበራዊ ውሕስነትን (Socialstyrelsen) ርክብ ምግባር የድልየካ። ከም መምህር ፍሉይ ፍቓድ ንምርካብ ምስ ብዓል መዚ ትምህርቲ (Skolverke) ርክብ ምግባር የድልየካ።

ናይ ዩኒቨርሲቲን ኮለጅን ሽማግለ (UHR)፡ ናይቶም ኣብ ሽወደን ቍጽጽር ዝግበረሎም ሞያታት ዝርዝር ኣለዎም። ኣብቲ ዝርዝር ቅድሚ በቲ ሞያ ስራሕ ምጅማርካ ምስ ኣየናይ ብዓል መዚ ርክብ ክትገብር ከም ዘልየካ ክትርኢ እውን ትኽእል ኢኻ።

ንትምህርትኻ መልኣሉ

ነቲ ናይ ወጻኢ ሃገር ዲግሪኻ ተጠቂምካ ኣብ ሽወደን ኣብ ሓደ ቍጽጽር ዝግበረሉ ሞያ ክትሰርሕ ንኽትክእል፡ ንትምህርትኻ ክትምልኣሉ ከድልየካ ይኽእል እዩ።

ነቲ ትምህርቲ ምስ ወዳእካዮ ኣብቲ ሞያ ንኽትሰርሕ ዘድልየካ ነገራት ክትረክብ ኢኻ። እዚ ንኣብነት ወረቐት ምስክር ወይ ፍሉይ ፍቓድ ክኸውን ይኽእል እዩ።

ናይ ትምህርቲ ወይ ስራሕ ሰነዳት ወይ ወረቐት ምስክር ምስ ዘይህልወኒ እንታይ ክገብር እኽእል?

ዓቕምኻ ንምርግጋጽ ካብ ኣርቤትስፎርመድሊኘን ሓገዝ ክትረክብ ትኽእል ኢኻ።

ምርግጋጽ ዓቕሚ፡ ንዘለካ ተግባራውን ክልሰ ሓሳባውን ፍልጠት ብመገዲ ቃለ-መሕትት፡ ፈተናታትን ናይ ስራሕ መርመራታትን ብዛዕብኦም ክትነግርን ከተርእን ዕድል ትረክብ ማለት እዩ። ክእለትካ ንምግምጋምን ኣብ ሓደ ውሱን ሞያ ክትሰርሕ ንኽትክእል ተወሳኺ ትምህርቲ ዘድልየካ እንተ ኾይኑን ሓገዝ ክትረክብ ኢኻ።

ኣርቤትስፎርመድሊኘን ነቲ ናትካ ምርግጋጽ ብቕዓት ኣብ ሓደ ናይ ብቕዓት ወረቐት ምስኽር ክምዝግብዎ እዮም።

ዝተጀመረ ላዕለዋይ ትምህርቲ

ኣብ ሽወደን ክትውድኦ ትደሊ ኣብ ወጻኢ ሃገር ሓደ ኣካዳሚያዊ ትምህርቲ ጀሚርካ ኔርካ እንተ ዄንካ፡ ገለ ክፋል ናይቲ ትምህርቲ ክሕሰበልካ ይኽእል እዩ። እቲ ትምህርቲ ይሕሰበልካ ማለት፡ ሓደ ዓይነት ትምህርቲ ኣብ ሽወደን ምምሃር ኣየድልየካን ማለት እዩ።

እቶም ምልክታ ተእትወሎም ዘሎኻ ዩኒቨርሲቲ ወይ ኮለጅ እዮም ኣየኖት ክፋላት ናይቲ ዝቐደመ ትምህርትካ ክሕሰበልካ ከም ዝኽእል ዝውስኑ። ከምኡ'ውን ንሶም ናብቲ ትምህርቲ ከተመልክት ብቕዓት ዘሎካ እንተ ኾይኑ ይውስኑ።

ሓባሪ መምርሒ ንኽትረኽቡ፡ ነቲ ዘገድሰኩም ትምህርቲ ዚህብ ቤት ትምህርቲ ተወከሱ።