ኣብ ሽወደን እቲ ሓድሽ ሂወትካ ጀምሮ

ናብ ሽወደን ክትግዕዝ ከለኻ ኣብዚ ኣብ ህዝባዊ መዝገብ ክትምዝገብ ኣለካ። ኣብ ህዝባዊ መዝገብ ክትምዝገብ ንኽትክእልመጀመርታ ናይ ግድን ናብ ሽወደን ከም ዝገዓዝካ ከተመልክት ኣለካ። ነዚ ናብ ሓደ ናይ ብዓል መዚ ግብሪ ናይ ኣገልግሎት ቤት ጽሕፈት ብምብጻሕ ትገብሮ።

ናብ ሽወደን ከም ዝገዓዝካ ከተመልክት ናብ በዓል መዚ ግብሪ ክትኸይድ ከለኻ ኣብ ህዝባዊ መዝገብ ንኽትምዝገብ ናትካ ሓበሬታ እውን ክትህቦም ኣለካ። ኣብ ህዝባዊ መዝገብ ንምምዝጋብ ናብ ሽወደን ምግዓዝኩም ከተመልክቱ ከለኹም፡ ኵሎም ናብ ሽወደን ዝገዓዙ ኣባላት ስድራ ቤትካ፡ ቈልዑ እውን ምሳኹም ክህልዉ ኣለዎም። ብዓል መዚ ግብሪ ንዓኻን ንስድራ ቤትካን ኣብ ህዝባዊ መዝገብ ምስ መዝገብኹም ናብቲ ከም ዝገዓዝኩም ዘመልከትክምሉ ኣድራሻ ሓደ ውልቃዊ ቍጽሪ መንነት (personnummer) ዝሓዘ ደብዳቤ ክልእክልኩም እዮም።

ኵሎም ኣብ ሽወደን ዝቕመጡ ኣብ ህዝባዊ መዝገብ ይምዝገቡ እዮም። ኣብኡ ብዛዕባ ኣብ ሽወደን ኣየኖት ሰባት ከም ዝቕመጡን ኣበይ ከም ዝቕመጡን ሓበሬታ ይምዝገብ።

ናብ ቤት ጽሕፈት ኣገልግሎት ናይ ብዓል መዚ ግብሪ ምግዓዝ ከተመልክትን ኣብ ህዝባዊ መዝገብ ንኽትምዝገብን ክትከይድ ከለኻ፡ ነቲ ብዓል መዚ ግብሪ ካባኻ መልሲ ዝደልየሉ ሕቶታት መልሲ ክትህበሉ ክትክእል ኣዚዩ ኣገዳሲ እዩ። ዝጐደለ ሰነዳት ወይ ዘይመለስካዮ ሓደ ሓደ ሕቶታት እንተ'ሎ ኾይኑ፡ ኣብ ህዝባዊ መዝገብ ንኽትምዝገብን ውልቃዊ ቍጽሪ መንነት ንኽትረክብን ኣጸቢቑ ነዊሕ ግዜ ክወስድ ይኽእል እዩ።

ንብዓል መዚ ግብሪ ቅኑዕ ሓበሬታ ሂብካዮም እንየ ዄንካ፡ ኣብ ህዝባዊ መዝገብ ንኽትምዝገብ ኣስታት ኣርባዕተ ሰሙን ክወስድ ይኽእል እዩ። እቶም ምሉእ ሓበሬታ ዝሓዙ ምልክታታት ቀዳምነት ይወሃቦም። ሓበሬታ እንተ ጎዲሉ ንነዊሕ እዋን ምናልባት እውን ንብዙሕ ኣዋርሕ ክትጽበ ትኽእል ኢኻ። ሽዑ ንብዓል መዚ ግብሪ ቅኑዕ ናይ ርክብ ሓበሬታ ሂብካዮም ክትውን እውን ኣገዳስኢ እዩ። ብዛዕባ እቲ ዘይመለስካዮ ወይ ዘይሃብካዮ ነገር ክሓትቱኻ ደልዮም ክረኽቡኻ እንተ ዘይክኢሎም ዝያዳ ክትጽበ ክትክእል ኢኻ። ስለዚ ቅድሚ ናይ'ቲ ምግዓዝ ዘመልከትካዮ መልሲ ምርካብካ ናብ ካልእ ቦታ ምስ ትግዕዝ ንብዓል መዚ ግብሪ ክትሕብሮም ኣገዳሲ እዩ። እቲ ወረቓቕትኻ ናብ ቅኑዕ ኣድራሻ ምእንቲ ክመጽእ።ናብ ናይ ብዓል መዚ ግብሪ ናይ ኣገልግሎት ቤት ጽሕፈት እዚ ዝስዕብ ክህልወካ የድሊ፡

• ፓስፖርት፡ ፓስፖርት እንተ ኣልዩካ
• ናይ ሽወደን መንበሪ ፍቓድ
• ምርዑውን ዘይምርዕውን ምዃንካ ዘረጋግጽ ሰነድ
• ቈልዑ እንተ ኣለዉኻ ኾይኖም ናይ ደቅኻ ወረቐት ምስክር ልደት
• ኣድራሻኻ

ካብ ብዓል መዚ ግብሪ ኣብ'ቲ ህዝባዊ መዝገብ ከም ዝተመዝገብካ መልሲ ምስ መጸካ፡ ውልቃዊ ቍጽሪ መንነት (personnummer) እውን ክመጸካ እዩ። ውልቃዊ ቍጽሪ መንነት ነዚ ዝስዕብ ኣድላዪ እዩ፦

• ካብ ቤት ጽሕፈት ካሳ ውሕስነት ዝተፈላለዩ ክፍሊታት ክትቅበል ንኽትክእል።
• ናይ ባንክ ሕሳብ ምኽፋት
• ንወረቐት መንነት ንኸተመልክት
• ንኤለክትሮኒካዊ መንነት ንኸተመልክት።
• ኣብ ናይ ቤት ጽሕፈት መራኸብቲ ስራሕ ናይ መትከል እግሪ መደብ ንጥፈታት ንኽትካፈል።

ኢደ-ኩርት ኣሕጽሮት ናይ ወረቐት መንነት እዩ። ወረቐት መንነት፡ ዕድሜኻን መንነትካን ንምርግጋጽ (መን ሙዃንካ መርትዖ ምቕራብ)፡ ንኣብነት ካብ ቤት መድሃኒት መድሃኒት ክትወስድ ከለኻ፡ ኣብ ሓደ ድኳን ብካርድ ክትከፍል ከለኻ ወይ ኣብ ባንክ ጕዳይካ ከተሳልጥ ከለኻ ትጥቀመሉ። ወረቐት መንነት ንምውጻእ ኣብ ሓደ ሓደ ናይ ብዓል መዚ ግብሪ ናይ ኣገልግሎት ኣብያተ ጽሕፈት ከተመልክት ትኽእል ኢኻ።

ኤ-መንነት፡ ኣብ መርበብ (ኮምፕዩተር) ንስኻ ንስኻ ሙዃንካ ዘርኢ ወረቐት መንነትካ እዩ። ኣብ ኢንተርኔት ነቲ ኣገልግሎት ዝቕርብ ኣየናይ ብዓል መዚ፡ ኮሙን ወይ ትካል ( ንኣብነት ቤት ጽሕፈት መራኸብቲ ስራሕን ብዓል መዚ ግብሪን) ሙዃኑ ብዘየገድስ ንብዙሕ ኣገልግሎታት ሓንቲ ኤ-መንነት ክትጥቀም ትኽእል ኢኻ።

ናይ ባንክ መንነትን (BankID) ተንቀሳቓሲ ናይ ባንክ መንነትን (Mobilt BankID) ካብቲ ዓሚል ዝኾንካሉ ባንክ ከተውጽእ ትኽእል ኢኻ።

ናይ መንበሪ ፍቓድ ውሳኔ ምስ ተዋህበካ ብዝተኻእለ መጠን ቀልጢፍካ ምስ ቤት ጽሕፈት መራኸብቲ ስራሕ ርክብ ክትገብር ኣገዳሲ እዩ። ቤት ጽሕፈት መራኸብቲ ስራሕ ኣብ መደብ መትከል እግሪ ክትሳተፍ ዝፍቀደልካ እንተ ኾይኑ ይውስኑ። እቲ ካብ ብዓል መዚ ኢሚግረሽን ዝተዋህበካ ውሳኔ ምሳካ ሒዝካዮ ምኻድ ዘክር። ድሕሪኡ ጥራይ ኢኻ ንናይ እግሪ መትከሊ ክፍሊት ካብ ቤት ጽሕፈት ካሳ ውሕስነት ከተመልክትን ናብ ስራሕ ወይ ትምህርቲ ዝመርሑኻ ንጥፈታት ክትጅምርን ትኽእል።

ኣብ ቤት ጽሕፈት መራኸብቲ ስራሕ ኣብ ናይ እግሪ መትከሊ መደብ ምስ ተመዝገብካ፡ ካብ ቤት ጽሕፈት ካሳ ውሕስነት ንኽፍሊት ተመልክት። ኣብ ወወርሒ ናይታ ዝሓለፈት ወርሒ ተመልክት።