Lycksele

ናይ መጠረሽታ ዝተሓደሰሉ፡ 14 12 2020

ሊክሰለ ፡ ኣብ ላፕላንድ እትርከብ ከተማ ፡ ንነዊሕ ዘመናት ናይ ላፕላንድ ሕምብርቲ እያ ነይራ። ዱር ኣብ ቀረባ፡ ናይ ሓቂ ክረምቲ፡ ብርሃን ዝመልኦ ሓጋይን ምስ ብጻይካ ግዜ ምህላውን ንናብራ ደስ ዘብል ይገብሮ።

ሓበሬታ ብዛዕባ ምምሕዳር ከተማ

ብዝሒ-ህዝቢ

12,251

ስፍሓት መሬት

5,889 ኪሜ²

ርሕቐት ካብ ዓበይቲ ከተማታት

  • Umeå 128 ኪሜ
  • Skellefteå 154 ኪሜ
  • Luleå 268 ኪሜ
ብናይ ጐደና መብራህቲ ዝበርሃን ብነጀው ሸነኽ ዘንጸባርቕ ማይ ዘለዎን ናይ ሊክሰለ ናይ ምሸት ስእሊ።

ስእሊ: Marino Karlsson

ኣብዚ ደረጃ ህይወት ልዑል እዩ፡ ዋኒናትና ድማ ዚድንፍዕ ቁጠባ ይፈጥራ። እናወሰኸ ዝኸይድ ጠለብ ሓይሊ ሰብን እምነት ኣብ መጻኢ ዕድል ስለ ዘሎንና ንኣኻ ንጽበ ኣሎና!

መንበሪ-ገዛ

እቲ ኮሙናላዊ ትካል ሊክሰለ ቡስቴደር ኣበ (LYBO)፡ ኣብ ሊክሰለ እቲ ዝዓበየ ክራይ ኣባይቲ ዘመሓድርን ዘራኽብን ትካል እዩ። LYBO ኣስታት 1340 ክራይ ኣባይቲ ይውንንን የመሓድርን። ኣብ ናቶም ሪጋ ክትኣቱ እንተ ደሊኻ፡ ብዛዕባ ትሕዝቶ ኣባይቶም ተወሳኺ ሓበሬታ ንምርካብን ሕጂ ናጻ ዘለዉ ኣባይቲ ንምርኣይን ኣብ ናይ LYBO መርበብ ሓበሬታ ክትገብሮ ትኽእል ኢካ።

ኣብ ሊክሰለ ብዙሓት ብሕታውያን ወነንቲ መሬትን ኣባይትን ኣለዉ። ሓደስቲ መጻእቲ ስደተኛታት ብዚምልከት እቲ ናይ ምውህሃድ ክፍሊ መንበሪ ንኺረኽቡ ይሕግዞም።

ካልእ ቋንቋታት ዝዛረቡ ተቐማጦ መን ኣለዉ ኣብቲ ቦታ

ሊክሰለ ኮምዩን ካብ ጥንቲ መቐበሊ ስደተኛታት ስለ ዝነበሮ ኣብቲ ኮምዩን ብዙሕ ቋንቋ ይዝረብ። ካብኡ ንምጥቃስ፤ እንግሊዝ፡ ዓረብ፡ ትግርኛ፡ ኣምሓርኛ፡ ኦሮሞ፡ ሶማሊ፡ ታይላንድ፡ ዳሪ፡ ክሪዮ፡ ዲንካ፡ ሊንጋላ፡ ፈረንሳ፡ ሳሚስካን ስዋሂሊን።

ማሕበራትን ምትእኻባትን

ሊክሰለ ምስተን ኣስታት 245 ማሕበራታ ሃብታም ማሕበራዊ ህይወት ኣለዋ። እተን ማሕበራት ዓመታዊ ፍጻመታት፡ ውድድርን ንጥፈታትን የካዪዳ። ኣብ ሊክሰለ ብዙሓት ኣብያተክርስትያንን ሃይማኖታውያን ሕብረትን ማሕበራትን ኣለዋ፡ ካባታተን ገለ ንምጥቃስ፡ ሽወደናዊት ቤትክርስትያን፡ ፐንተኮስት ቤትክርስትያን፡ ሚስዮናዊት ቤትክርስትያን፡ ጀሆቫ ዊትነስ፡ ክሪስቲ ሙደርስ ካቶሊካዊት ማሕበርን ናይ ሊክሰለ እስላማዊ ማሕበርን። ካልኦት ውድባት ከኣ፡ ቀዪሕ መስቀል ሊክሰለን መድቦርያርስኩላን ሊክሰለን እየን። ብዙሓት ማሕበራት ኣብቲ ናይ ማሕበራት ደብተር ክትረኽበን ትኽእል።

ኣብቲ ከባቢ ብቐረባ እንታይ ይርከብ

ኣብ ሊክሰለ ዓይነታት ድኳናትን ኣገልግሎትን ብዙሕ እዩ። ናይ ክዳውንትን መግብን ሳእንን ኣቕሑ ገዛን ኤለክትሪክን ድኳናት፡ ከምኡውን ሓደ ናይ ወጻእተኛታ ቡቲክ፡ ሰለስተ ሰከንድሃንድ ቡቲክ፡ ፋርማሲ፡ ሆተል፡ ኣብያተመግቢ፡ ባንክ፡ ፓስቲቸርያን ካፈታትን ወዘተ ኣሎ።

ምውጣሕ ኣጋሰስ (ቁንጹብ ፈረስ) ዘለዎ መዓልቲ ዕዳጋ ኣብ ሊክሰለ። ሓደ ጕጅለ ጡረተኛታት ኣብ ጽሓይ ኣብ መናብር ኮፍ ኢሎም ኣለዉ። ብድሕሪት ሓደ ዓቢ ቀይሕ ናይ ዕንጨቲ ህንጻ ኣሎ።

ስእሊ: Nina Lindberg

ማሕበራዊ ኣገልግሎት ከም ቤትጽሕፈት ዕዮ፡ ቤትጽሕፈ መድህን፡ ቤትጽሕፈት ቀረጽ፡ ማሕበራዊ ቤትጽሕፈትን ቤትፖስታን ኣሎ። ኣብቲ ከተማ ድማ ናይ ሊክስለ ስፍራ ኣራዊት፡ ኣንሲያባድፓርክ፡ ቤትንባብ፡ መሐምበሲ፡ ጂም፡ መዕረፊ ቦታ፡ ቦውሊን፡ ሲነማ፡ ጉጅለ መጽናዕቲ፡ ትምህርቲ ምዝዋር ማኪና ወዘተ ኣሎ።

ዱኳናትን ዝተረበበ ዕምባታትን ዘለዎ መገዲ ኣጋር። ብዙሓት ሰባት ብእግሮም ይኸዱ ኣለዉ፡ ኣብ መወዳእታ ናይቲ መገዲ ድማ ሓደ ናይ ዘንጊ መንፈቕ-ክረምቲ ተተኺሉ ኣሎ።

ፊልም ብዛዕባ ሊክሰለ

ኣገልጎት ክንክን ወይ ሕብሐባ ቆልዑ

ኣብ ሊክሰለ ኣብ ውሽጢ ኣርባዕተ ኣዋርሕ ክንክን ህጻናት የቕርብ። ሓደስቲ ኣብያተትምህርቲ ህጻናት ከፊትና ኣሎና። ሓደ ንጠለብ ክንክን ህጻናት ንምሽፋን ምሸትን ቀዳመሰንበትን ክፉት ዝኾነ ኣሎ። ኣብቲ ኮምዩን ትምህርታዊ ክንክን እውን ኣሎ (ናይ ስድራቤት መዕረፊ)፡ ክፉት ቤትትምህርቲ ህጻናት እውን ኣሎ።

መባእታ ኣብያተ ትምህርትን ካልኣይ ደረጃ ኣብያተ ትምህርትን

ኣብ ሊክሰለ ኮምዩን ዓሰርተ መባእታ ኣብያተትምህርቲ፡ ፍሉይ ቤትትምህርቲን ናይ ቋንቋ ክላስን ይርከብ። ናይ ታንበርይስኩላን ካልኣይ ደረጃ ቤትትምህርቲ ንመንእሰያትን ዓበይትን እተፈላለየ ዓይነት ስልጠናታት የቕርብ። ብዘይካ 16 ሃገራዊ መደባት ከምዚ ዚስዕብ ይርከብ፤ ሆኪን ኩዕሶእግርን ዪምናስዩም፡ ዪምናስየሰርስስኩላን ትምህርቲ ንዓበይትን። ኣብ ሊክሰለ ነቲ ናይ ካልኣይ ደረጃ ትምህርቲ ዚድምድም ካልኣይ ዕድል ቤትትምህርቲ ዚብሃል ኣሎና።

ዕድላት ትምህርቲ

ኣብ'ዚ ከተማ'ዚ፡ ዝተፈላለየ መደባት ትምህርቲ ንዓበይቲ ከምኡ ውን መደብ ትምህርቲ ቋንቋ ሽወደን ንዓበይቲ ይወሃብ እዩ። ንተወሳኺ፡ ኣብ መርበብ-ሓበሬታ ምምሕዳር ከተማ ብምእታው፡ ብዛዕባ ትምህርታዊ ዕድላት፡ ብዝርዝር ከተንብቡ ትኽእሉ።

ኣገልጎት ጥዕና

ኣብ'ዚ ከተማ'ዚ፡ ተጠቀምቲ ናይ ዝተፈላለየ ናይ ጥዕናዊ--ኣገልግሎታትን ክንክን ክትኮኑ ትኽእሉ። ኣብዚ ከተማ፡ ሓፈሻዊ ሕክምና፡ ማእከል-ጥዕና ህጻናት፡ ኣዴታት (ነፍሰ-ጾራት) ከምኡ ውን ክሊኒክ-ስኒ፡ ይርከብ። ሕክምናዊ ክንክን ምስ እትደልዩ፡ ናበይ ክትከዱ ከም ዘለኩምን ካልእ ንጥዕናዊ-ክንክን ዝምልከት ዝርዝራት፡ ኣብ መርበብ-ሓበሬታ ምምሕዳር ከተማ ትረኽብዎ።

ናይ ቋንቋ ድግፍ-ተርጓሚ ምርካብ

ምስ መንግስታዊ ወይ ውን ምምሕዳራዊ ትካላት ናይቲ ከተማ ኣብ እትገብርዎ ርኽክባት፡ ንኣብነት ኣብ ምምሕዳር ከተማ፡ ሕክምና ወዘተ..ናይ ቋንቋ ሽወደን ሕጽረት ምስ ዝህልወኩም፡ ተርጓሚ ክቍጸረልኩም ይኽእል። ተርጓሚ ኣቐዲሙ በቲ ዝምልከቶ መግስታዊ-ኣካል ከም ዝቍጸር ይግበር።

ኣገልግሎት መጎዓዝያ

ኣብ'ዚ ከተማ'ዚ ስሉጥ ኣግልጎሎት መጎዓዝያ ኣሎ። ንሰዓታት ንቕሎን ናይ መጎዓዝያ ኣማራጺታትን ብዝምልከት፡ ኣብ መርበብ-ሓበሬታ ምምሕዳር ከተማ ብምእታው ክትረኽብዎ ትኽእሉ።

ስራሕን ትካላት ናይ ምምስራት ተኽእሎታትን

ኣብ'ዚ ከተማ ይኹን ኣብቲ ከባቢ ኣብ ዝርከባ ከተማታት፡ ብርክት ዝበሉ ዓበይትን ነኣሽቱን ወሃብቲ-ስራሕ ይርከቡ። ኣብዚ ከባቢ ዘለዉ ክፍቲ ናይ ስራሕ-ቦታታት ንምርኣይ ኣብ ማእተዊ ናይ'ዚ ሓበሬታ ''ክፍቲ ናይ ስራሕ ቦታታት'' ኣብ ትሕቲ ዝብል ኣርእስቲ ትረኽብዎ። እቶም ናይ ባዕልኹም ትካል ክትጅምሩ እትሓስቡ ሰባት፡ ኣብ መርበብ-ሓበሬታ ምምሕዳር ከተማ ነዓኹም ዝኸውን ኣገዳሲ ሓበሬታ ትረኽቡ።