Wararka

Dib u cusboonaysiinti ugu dambeysay: 31/1-2023

Halkan waxaad ka heli kartaa xiriiryada wararka oo ku qoran iswiidhish fudud, iyo wararka iswiidhishka oo ku turjuban luqado kale. Waxaad xitaa akhrin kartaa wararki ugu dambeeyay ee dhinaca Idaacada Iswiidhan.

Idaacadaha Raadiyowga qaranka Iswiidhan

​​​​​​Meeshan baa waxa ka heleysaa idaacadiihii ugu dambeyay Raadiyowga qaranka Iswiidhan. Hadii oo luqadaada hooyo lagu heleyn waxa isticmaaleynaa kan iswiidhishka.

Tuuji qoralka idaacada sidaa idaacada ugu akhrisatid bogga internetka Raadiyowga qaranka Iswiidhan. Isku xiriiriyahay wuxu furi daaqad kale.

  • Farriin muhiim ah

    Oo ku wajahan bulshada reer Hultsfred, ee gobolka Kalmar.Waxaa gubanaya garaash oo sababey qiiq aad u badan.Hoggaanka gargaarka degdegga ee goobta ayaa ku waanineya dhammaan dadka goobahaasi ka ag dhow iney galaan guryaha oo xirtaan dhammaan goobaha hawada ka soo galeeyso.Warbixin intaa dhaafsiisan ka daalaco laanta idaacadda ee P4 Kalmar.

  • Iswiidhan oo saddex billadood oo keliya ka soo hoyday Paralympics

    Waxaa Sweden uga soo hoyatey oo kaliya saddex billadood tartankii Paralympics ee magaalada Baariis.Hogaamiyaha xulka Sweden ¨Niclas Grön ayaa ka walaacsan horumarka.Dhawaan waa in ey wax dhacaan, sida uu u sheegay laanta idaacadda ee Radiosporten.

  • Kronofogden: Qooysas ka badan oo ilmo leh oo guryaha laga saarey

    Waxaa kor u sii kaceysa tira qooysaska carruurta leh ee guryaha laga saaro. Sisda ka muuqata tirakoobka lixdii bilood ee ugu dambeeysay heyadda khasab ku soo celinta deeymaha ee Kronofigden. Isu geeyn 342 dhallaan ah ayey dhibaato ka soo gaartey markii waalidkood guryaha laga saarey.

  • Diiwaanka dambiyada oo ururrada shaqaaluhu ka welwel qabaan

    Shaqo-bixiyeyaal badan ayaa ka doonaya iney dadka ka badan diiwaanka dembiyada caddeeymmo kala yimaadaan marka ey shaqaaleeysiineyaan Waa mid welwel gelineysa dhowr ururo shaqaale oo ay laanta wararka Ekot la hadashay.”Waxay suuqa shaqada ka abuurtaysaa kala saar kooxda A iyo B,” ayuu yidhi Simon Petersson, xoghayaha wadahadalka ee ururka shaqaalaha IF Metall.

  • Drönareyaal xalay xayirey duulimaadyadii garoonka Arlanda

    Garoonka dayuuradaha Arlanda ayaa dhowr saacadood duulimaadyada laga joojiyey habeenimadii xalay kadib markii hawada lagu arkey mashiinnada aaney cidi wadin - Drönare. Dayuuradaha ayaa lagu hagey garoommo kale. Boliiska ayaa baaris dhacdadaa ku wada baaris la xiriirta rabshadeeyn iyo dunuub xadgudub ku ah shuruucda ammaanka

  • Luul: Hadday xaaladdu sidan ku sii socoto wax qurux badan maahan

    Degmada Uddevalla ayaa soo bandhigtay siyaasad cunto oo cusub oo diiradda lagu saarayo cunnnada dhanqanka Iswiidhishka.Go'aanku wuxuu ka dhigan yaay in la badiyo cuntooyinka hilib ee dugsiga, kaas oo uu ka mid yahay hilibka khaansiirka.”Waddanka dhan in aan iskaga guuro ayaa ii qorsho ah ,hadddi xaalad sidaan ku sii socoto”, sida ay tiri Luul Hassan Liban, ahna hooyo firfircoon oo ku dhaqan Uddevalla.

  • Baabuurley badan ayay canshuur badani u soo noqon doontaa

    Waxaa kordhay dhimista safarrada shaqada iyo ka soo noqoshada, si darawalladu dib ugu helaan lacag ka badan oo canshuur ah. Waxaa la kordhiyey dhimista safarka ee baabuurta shidaalka iyo naaftada iyo sidoo kale baabuurta korontada ee gaarka loo leeyahay. Waa saamayn la filayey go'aanka lagu kordhinayo dhimista dib u celinta canshuurta ee kharashka safarka darawallada ee dawladdu ay dabada ka riixaysay laba sano ka hor.

  • Xukummadda oo wax ka beddelaysa qiimaha daryeelka ilkaha ee waayeelka

    Xukuumadda iyo xisbiga Sverigedemokraterna ayaa soo jeedinaya in la kordhiyo kharashka waayeelka laga caawiyo daryeelka ilkaha.Soo jeedintu waxay khusaysaa 67-jir iyo ka weyn, balse da'da u dhexeeysa 19 iyo 23 ayaa lumineya daryeelka ilkaha bilaashka ah ee ay maanta haystaan.Waa dib-u-habayntii ugu weyneyd howlaha daryeelka ilkaha muddo 20 sannadood ah, sida uu sheegay wasiirka arrimaha bulshada Jakob Forssmed (KD).

  • Laamaha difaaca ayaa dhib ku qaba shaqaaleeysiinta

    In howlwadeenno laga howlgeliyo shirkadaha xiriirka la leh laamaha difaaca ayaa noqotay mid aad u murugsan xaaladda cakiran ee caalamka awgeed.Shuruudaha amnigu waxay qaataan wakhti iyo kharash labadaba waxayna noqon karaan kuwo ku adag, gaar ahaan shirkadaha yaryar.”Maanta, waxaan u shaqeynaa hab ka duwan sidii hore marka aan shaqaaleysiineyno. Aad ayaan uga taxadarnaa oo dib raac baan sameeynaa, ayuu yiri Peter Rudby, maamulaha amniga ee shirkadda injineriyadda Camatec ee ku taalla Karlstad.

  • Shaashada oo kordhisa caafimaad darrada carruurta

    Waa inuu waalidku dulqaad badan leeyahay si uu carruurta uga xaddido isticmaalka shaashadda.Ismaaciil ayaa wiilkiisa siiyey telefoon bilaa simkaar ah.”Waa in wakhtiga shaashada wax kale loogu beddelaa carruurta”, ayuu yiri Ismaaciil.
Bulsho